Ана - адамды өмірге әкелетін қасиетті адам. Баласы үшін өзінің қуанышы мен тыныштығын, денсаулығы мен әдемілігін қашан да құрбан етуге дайын. Ананың орнын адамзат баласы жоғары бағалаған. Ана - әрбір адам баласы үшін ең ыстық, жанға жақын, ардақты жан.
Қасиетті жандарды ұлықтау, құрметтеу мақсатында 8-наурыз «Халықаралық әйелдер» мерекесіне орай, аудан әкімінің орынбасары А.Құлмаханов, аудандық білім қызметкерлері кәсіподақ ұйымының төрағасы Е.Қасым, бөлімнің бас маманы Б.Бекмұраттар арнайы барып, бірқатар ардагер ұстаздарды мерекемен құттықтап, сый-сияпаттар жасады.
