Ұстаз – жас ұрпақтың рухани сәулеткері, халық өзінің үміті мол болашағын тапсырытын сенімді өкілі. Олар сол сенімді ақтай отырып, зерделі де зерек, парасатты, ұлттық және адамзаттық құндылықтарды бойына дарытқан тұлғаларды тәрбиелейді. Иә, "Ұстазды алтын діңгекке балар едім"-деп ұлы ағартушы Ы.Алтынсарин айтқандай, ұстаздық-тарихтағы ең ұлы істің бірі.
Бүгін білім бөлімінің басшысы Құдайберген Шербаев пен кәсіподақ ұйымының төрағасы Егемберді Қасым ауданға білім беру саласында аянбай еңбек сіңірген,үлгілі бола білген зейнеткер, ардагер ұстаздарымызды жаңа жылдық көтеріңкі көңіл күймен құттықтап, ыстық лебіздерін білдіріп қайтты. Білім беру кеңістігінде еңбек еткен Ж.Көлбаев, П.Жаппарқұлов, М.Өксікбаев, Б.Арзықұлов, М.Белгібаева, Қ.Байжұман, М.Тұрлыбек, Р.Шалмекен, Р. Есенәлиева сынды зейнет демалысындағы ардагер ұстаздар бізге үлгі.
