Түркістан облысының білім басқармасының "Отырар ауданының білім бөлімі" мемлекеттік мекемесі
Ресми интернет-ресурс

Жаңалықтар

«ЖАҢА ХАЛЫҚТЫҚ КОНСТИТУЦИЯНЫҢ НОРМАЛАРЫ МЕН ҚҰНДЫЛЫҚТАРЫ: АДАМИ КАПИТАЛДЫ ДАМЫТУ – БІЛІМ БЕРУ ЖҮЙЕСІНІҢ СТРАТЕГИЯЛЫҚ НЕГІЗІ» ТАҚЫРЫБЫНДА ПЕДАГОГИКАЛЫҚ ҚЫЗМЕТКЕРЛЕРДІҢ СЕКЦИЯЛЫҚ ОТЫРЫСЫ ӨТТІ

Жамбыл атындағы мектеп-лицей базасында 2026 жылдың 20 тамызы күні аудандық білім беру ұйымдарындағы педагогтеріне арналған тамыз кеңесі аясында секция отырыстары өтті. Тамыз кеңесінде 40 секция жұмыс жасап, 1200 педагогтер қатысты.
Педагогтердің бас қосу жиынында жаңа оқу жылының ерекшеліктері таныстырылып, білім саласының өзекті мәселелері талқыланды.
Онда білім беру саласының барлық бағыттарын қамтыған секциялар жұмыс жасады:
бастауыш сынып, мектепалды даярлық педагогтері;
қазақ тілі мен әдебиеті, орыс тілі, ағылшын тілі, тарих, география, математика, жаратылыстану пәндері мұғалімдері;
информатика, эстетикалық пәндер, дене шынықтыру, қосымша білім беру педагогтері;
сынып жетекшілер, тәлімгерлер, әлеуметтік педагогтар;
мектеп директорлары және олардың орынбасарлары;
мектепке дейінгі ұйымдар педагогтері мен педагог-психологтар.
🔹 Әрбір секцияда жаңа оқу жылындағы білім беру саясатының негізгі бағыттары талқыланып, озық тәжірибелер ұсынылды. Педагогтер кәсіби дамуға арналған әдістемелік қолдаулармен бөлісіп, білім сапасын арттыру жолдарын қарастырды.
🏫 Жиынға арнап мектеп ұжымдары көрмелер ұйымдастырып, педагогикалық жетістіктерін паш етті. Сонымен қатар, секция отырыстары өтетін мектептердің ұжымдары іс-шараның жоғары деңгейде өтуіне үлес қосты.
Барлық секцияда ұсыныстар қабылданып, 2026–2027 оқу жылына арналған оқу-тәрбие жұмысының негізгі бағыттары айқындалды.

ТАМЫЗ КЕҢЕСІ: «ПСИХОЛОГИЯЛЫҚ ҚОЛДАУ:БҮГІНГІ МІНДЕТ, ЕРТЕҢГІ НӘТИЖЕ» ТАҚЫРЫБЫНДА СЕКЦИЯЛЫҚ ОТЫРЫС ӨТТІ

Аудандық білім беру ұйымдарының директорлары, директорлардың тәрбие ісі жөніндегі орынбасарлары, сынып жетекшілері мен әлеуметтік педагогтар және педагог-психологтар мен мектеп медбикелеріне арналған секция отырысы өз мәресіне жетті. Бұл басқосу тәрбие процесіне конституциялық құндылықтарды сіңірудің, әлеуметтік-эмоционалдық оқытуды енгізудің және экологиялық мәдениетті қалыптастырудың заманауи бағыттарын айқындады.
📍 Секциялық жиын 2026 жылдың 20 тамызында, сағат 09:00-1300 аралығында Жамбыл атындағы мектеп-лицей базасында ұйымдастырылды.
🎯 Басқосудың негізгі тақырыбы – «Психологиялық қолдау: бүгінгі міндет, ертеңгі нәтиже» Басты мақсат — ұлттық және адами құндылықтарды мектептің тәрбие кеңістігіне біріктіру, оқушылардың эмоционалдық интеллектін дамыту және өңірлік экологиялық бастамаларды іс жүзінде асыру.
🎙️ Секция жұмысын білім бөлімінің басшысы Шербаев Құдайберген Қайыпбекұлы ашып, бүгінгі таңда білім беру ұйымдарында психологиялық қолдаудың маңыздылығына тоқталып, қатысушыларға сәттілік тіледі.
✨ Іс-шара барысында Отырар аудандық полиция бөлімінің подполковнигі Нұрбеков Асхат бала қауіпсіздігі, құқық бұзушылықтың алдын алу бағыттары бойынша баяндама жасап, білім беру ұйымдары мен құқық қорғау органдарының бірлескен жұмысының маңыздылығын атап өтті.
👥 «Шуақты аналар» қоғамдық бірлестігінің мүшесі Белгібаева Мәрия Имансарықызы «Ата-ананың бала тәрбиесіндегі рөлі» тақырыбында баяндама жасап, бала тәрбиесіндегі отбасының орны мен ата-ананың жауапкершілігі туралы маңызды ойларымен бөлісті.
👥 Отырар аудандық орталық аурухана басшысының ана мен бала жөніндегі орынбасары Тулешова Салтанат Оспанқызы Қазақстан Республикасы Денсаулық сақтау министрлігінің 2024 жылғы 2 шілдедегі №419 және Қазақстан Республикасы Оқу-ағарту министрлігінің 2024 жылғы 4 шілдедегі №170 бірлескен бұйрығының негізгі бағыттарын таныстырып, аудандық білім беру ұйымдарына бекітілген ЖПД дәрігерлердің жұмысына тоқталды.
👥 Сонымен қатар, Отбасы қолдау орталығы басшысының орынбасары Айтуреева Алмагүл Абсадыққызы тұрмыстық зорлық-зомбылықтың алдын алу бағытында баяндама жасап, отбасындағы зорлық-зомбылықтың алдын алу, балалардың құқықтары мен қауіпсіздігін қорғау мәселелері жөнінде түсіндіру жұмыстарын жүргізді.
🎙️ Бас қосу жиынының қорытынды бөлімінде Отырар ауданы білім бөлімінің қамқоршылық және қорғаншылық органының бас маманы Түлендиева Қаракөз Түлендиевна «Психологиялық қолдау – бүгінгі міндет, ертеңгі нәтиже» тақырыбында баяндама жасап, білім беру ұйымдарындағы психологиялық қолдау қызметінің негізгі міндеттері мен тиімді жұмыс бағыттарын атап өтті.
Іс-шара соңында семинар жұмысы қорытындыланып, қатысушыларға білім алушылардың психологиялық әл-ауқатын нығайту, бала қауіпсіздігін қамтамасыз ету, ата-анамен тиімді байланыс орнату және алдын алу жұмыстарын жүйелі жүргізу бойынша қажетті ұсыныстар берілді.

«ОТЫРАР» ЖАЗҒЫ САУЫҚТЫРУ ЛАГЕРІ ӨЗ МӘРЕСІНЕ ЖЕТТІ

Балалардың жазғы демалысын тиімді ұйымдастыру, олардың денсаулығын нығайтып, бос уақытын мазмұнды өткізу мақсатында жұмыс істейтін «Отырар» жазғы балаларды сауықтыру лагері маусымдық жұмысын аяқтады. Жазғы сауықтыру лагеріне 1050 бала қамтылды. Әр маусым сайын Отырар аудандық мәдениет, спорт клуб мамандары келіп "Бұқаралық спорт — ұлт саулығының кепілі" тақырыбында ұлттық ойындар ұйымдастыру жұмыстары жүргізілді. Лагерь жұмысы барысында оқушылардың қызығушылықтарын арттыруға бағытталған түрлі танымдық, мәдени-шығармашылық және тәрбиелік іс-шаралар өткізілді. Балалар спорттық жарыстарға, эстафеталарға, зияткерлік ойындарға, шығармашылық жұмыстарға белсене қатысып, өзара достық қарым-қатынасын нығайтты.
Сонымен қатар оқушылар табиғатты аялау, қоршаған ортаны қорғау, салауатты өмір салтын ұстану, қауіпсіздік ережелерін сақтау бағыттарында пайдалы ақпараттармен танысты. Лагерь тәлімгерлері күнделікті жас өрендерге танымдық лекциялар оқып,кітап оқушы жас оқырмандарға кітап бұрышы ұйымдастырылды. Оған күнделікті жас оқырмандар өздерінің сүйікті кітаптарын алып, білімдерін шыңдады.
Осылайша, «Отырар» жазғы балаларды сауықтыру лагерінің кезекті жұмысы өз мәресіне жетті.
«АБАЙ – ДАНА, АБАЙ – ДАРА ҚАЗАҚТА» КӨРКЕМСӨЗ ОҚУ БАЙҚАУЫНА ҚАТЫСЫҢЫЗ!

«АБАЙ – ДАНА, АБАЙ – ДАРА ҚАЗАҚТА» КӨРКЕМСӨЗ ОҚУ БАЙҚАУЫНА ҚАТЫСЫҢЫЗ!

🖋️ 10 тамыз – Абай күні қарсаңында Түркістан облысының білім басқармасы облыстағы білім беру ұйымдарының білім алушылары арасында «Абай – дана, Абай – дара қазақта» атты көркемсөз оқу байқауын жариялайды!
Байқаудың негізгі мақсаты: Ұлы ақын, ойшыл Абай Құнанбайұлының мол мұрасын насихаттау, жас ұрпақтың бойына ұлттық құндылықтарды сіңіру және Абай шығармалары арқылы білім алушыларды адамгершілікке, білімге, еңбекқорлыққа, талаптылыққа тәрбиелеу.
Байқауға Түркістан облысындағы мектепке дейінгі, орта білім, техникалық және кәсіптік білім беру ұйымдарының білім алушылары қатыса алады.
📖 ҚАТЫСУ ШАРТТАРЫ:
- Қатысушы Ұлы Абайдың кез келген өлеңін немесе шығармасынан үзіндіні мәнерлеп оқып, бейнеролик түсіріп әлеуметтік желі парақшасына жариялау керек;
- Байқауға ұсынылатын бейнероликте Абай шығармасының мазмұнын жеткізу, көркемсөз оқу шеберлігі, шығармашылық көзқарас пен ұлттық құндылықтарды дәріптеу басымдыққа ие болуы тиіс.
- Видеода қатысушы өзін таныстырып, қай аудан, қай білім беру ұйымында білім алатынын хабарлау керек;
- Жазбада Түркістан облысының білім басқармасының ресми Facebook парақшасын белгілеңіз: «Түркістан Облысының Білім Басқармасы»
- Міндетті түрде төмендегі хэштегтерді қолданыңыз:
- Жазбасына байқауға қатысып жатқаныңызды көрсету қажет;
- Парақшаңыз барлық оқырманға ашық тұруы керек;
⏰БЕЙНЕРОЛИКТЕРДІ ҚАБЫЛДАУ МЕРЗІМІ:
8 тамыздан 10 тамызға дейін
10 тамыз күні сағат 13:00-де байқауға өтінім қабылдау тоқтатылады.
Байқау қорытындысы 10 тамыз күні шығарылып, жеңімпаздар Түркістан облысының білім басқармасының ресми парақшасында жарияланады.
Байқау қорытындысы бойынша үздік 10 қатысушы арнайы шығармашылық топтың шешімімен анықталып, Түркістан облысының білім басқармасы тарапынан марапатталады.
Қатысушыларды бағалау кезінде:
▫️ өлеңді мәнерлеп оқу шеберлігі;
▫️ дауыс ырғағы мен дикциясы;
▫️ шығарманың мазмұнын ашуы;
▫️ бейнероликтің сапасы;
▫️ шығармашылық және креативті идеясы;
▫️ ұлттық құндылықтарды дәріптеуі;
▫️ жалпы орындау мәдениеті ескеріледі.
Байқау Абай Құнанбайұлының рухани мұрасын ұлықтау жөніндегі жалпыұлттық іс-шаралар аясында және білім беру саласында Абай күнін атап өтуге бағытталған тиісті әдістемелік ұсынымдарға сәйкес ұйымдастырылды.
Абайды оқу – өзіңді тану.
Абайды дәріптеу – ұлт рухын дәріптеу!
Барлық қатысушыларға сәттілік тілейміз!

САПАЛЫ БІЛІМ-ЖАРҚЫН БОЛАШАҚ КЕПІЛІ

🏫 Егемен еліміздің ертеңі бүгінгі жас буын екені даусыз! Ұлы ағартушы Ахмет Байтұрсынұлының «Балам деген жұрт болмаса – жұртым дейтін бала қайдан шықсын» демекші біздің міндетіміз — болашағымызды сеніп тапсыра алар жас ұрпақты қалыптастыру.
Осы негізде Отырар ауданының бітіруші түлектердің 2025-2026 оқу жылындағы ҰБТ қорытындысы жоғары нәтижеге қол жеткізді. Ұлттық бірыңғай тест – бiлiм сапасының басты көрсеткiшi. Мектептiң дамуы оқушыны сапалы бiлiмдi, толерантты және ұлтаралық проблемаларды шешуге дайын жеке тұлға болады деп күтiледi. Аудан бойынша 837 мектеп бітіруші болса, ҰБТ-ға қатысқандар саны-798, қатысу пайызы 95,3%.
🏆М.Шаханов атындағы жалпы білім беретін мектептің «Алтын белгі» иегері Дүйсенбай Ақсұңқар Маратқызы-135 балл.
🏆С.Ерубаев атындағы жалпы білім беретін мектептің «Алтын белгі» иегері Сартай Толқын Сұлтанқызы-135 балл.
🏆М.Әуезов атындағы жалпы білім беретін мектептің «Алтын белгі» иегері Юсупова Анель-134 балл.
🏆М.Әуезов атындағы жалпы білім беретін мектептің «Алтын белгі» иегері Қалдыбай Ұлту-134 балл.
🏆М.Әшіров атындағы жалпы білім беретін мектептің «Алтын белгі» иегері Қалдыбай Таңшолпан-131 балл.
Иә, жоғары нәтиже көрсеткен барлық түлектеріміз үшін қуаныштымыз. Білім шыңын бағындырып, мемлекеттік грант иегерлері атана беріңіздерІ
Сондай-ақ, аталған оқу жылының ішінде білім сайысына қатысып, білмекке құмарлығын дамытып, ақылы мен күш – жігерін шыңдап, білім-ғылым үйренбекке талап қылушы оқушыларымыз облыстық, республикалық білім сайыстарынан жеңіспен оралып, аудан және облыс мәртебесін асқақтатты.
🥇Республикалық олимпиада мен байқаулар бойынша -31
🥇Облыстық олимпиада мен байқаулар бойынша-57
Аталған жетістіктерге қол жеткізген оқушылар мен пән мұғалімдерінің еңбегі ерен.
Иә, ата-ана мен ұстаздардың ең үлкен мақтанышы – білім алушылар! Армандарыңа жетер жолда табандылық пен қайрат тілейміз!

ДЕНІ САУ ҰЛТ – ДЕНІ САУ ҰРПАҚ

"Отырар" жазғы сауықтыру лагерінде балалардың бос уақытын тиімді ұйымдастыру және салауатты өмір салтын насихаттау мақсатында нашақорлық пен есірткіге қарсы күрес бағытында «Есірткісіз болашақ» ұранымен жасөспірімдер арасында жаңа форматтағы танымдық семинар ұйымдастырылды.
Іс-шара барысында қатысушылар есірткінің адам денсаулығына, психологиялық жағдайына және қоғамға тигізетін зияны туралы маңызды мәліметтермен танысты. Сонымен қатар, түрлі тренингтер, пікірталастар мен топтық жұмыстар өткізіліп, оқушылар өз ойларын ортаға салып, зиянды әдеттерден аулақ болудың маңыздылығын талқылады.
Семинардың басты мақсаты – жас ұрпақтың бойында салауатты өмір салтын қалыптастыру, олардың құқықтық сауаттылығын арттыру және болашаққа деген жауапкершілігін күшейту.
Біз салауатты өмірді таңдаймыз! Біз – есірткісіз болашақ үшін!

«ЕСІРТКІСІЗ БОЛАШАҚ» – ДЕНІ САУ ҰРПАҚТЫҢ ЖАРҚЫН ТАҢДАУЫ!

Балалардың жазғы демалысын тиімді ұйымдастыру және олардың салауатты өмір салтын қалыптастыру мақсатында Түркістан облысы, Түлкібас ауданы, Келтемашат ауылындағы «Отырар» жазғы сауықтыру лагерінде «Дені сау ұлт – дені сау ұрпақ» тақырыбында, «Есірткісіз болашақ» ұранымен жасөспірімдерге арналған жаңа форматтағы семинар ұйымдастырылды.
Іс-шара барысында балалар нашақорлық пен есірткінің зияны, салауатты өмір салтының артықшылықтары туралы өз ойларын түрлі-түсті борлар арқылы суретке түсіріп, шығармашылық жұмыстарын қорғады. Сонымен қатар, жасөспірімдермен зиянды әдеттердің алдын алу, денсаулықты сақтау, дұрыс өмірлік таңдау жасау және құқықтық сауаттылықты арттыру бағытында түсіндіру жұмыстары жүргізілді.
Мұндай профилактикалық іс-шаралар жасөспірімдердің есірткіге қарсы берік көзқарасын қалыптастыруға, олардың жауапкершілігін арттыруға және бос уақытын пайдалы әрі мазмұнды өткізуіне мүмкіндік береді.
🌿 Дені сау ұлт – дені сау ұрпақ!
🚫 Есірткісіз болашақ – жарқын болашақ!

«ҚОШ КЕЛДІҢ, ЖАЙДАРЛЫ ЖАЗ!»

Бүгін Отырар ауданы Темір ауылы “Алпамыс”балабақшасында балалардың асыға күтетін ең көңілді мерекелерінің бірі – жазғы сауықтыру маусымының ашылуына арналған «Бақытты балалық шақ» тақырыбындағы іс-шара өтті. Іс-шараны Аудандық білім бөлімінің бас маманы Қаракөз Тулендиева ашып, қатысушыларға сәттілік тіледі. Сонымен қатар, аудандық білім бөлімінің мектепке дейінгі ұйымдар жөніндегі әдіскері Ұлжалғас Оспанова мен балабақша меңгерушісі Ақмарал Шуленбаева сөз сөйлеп, жазғы кезеңде балалардың денсаулығын нығайту, қауіпсіздігін қамтамасыз ету және мазмұнды демалысын ұйымдастыру бағытындағы жұмыстарға тоқталды. Іс-шара барысында бүлдіршіндер қызықты ойындар ойнап, ән айтып, би билеп, түрлі сайыстарға белсене қатысты. Балалар ойындарда өздерінің ептіліктері мен тапқырлықтарын көрсетті. Көтеріңкі көңіл-күй, шат күлкі мен қуанышқа толы сәттер балаларға ерекше әсер сыйлады.

Сонымен қатар, аудандық білім бөлімінің МДҰ әдіскері Ұ. Оспанова «Мектепке дейінгі ұйымдарда жазғы сауықтыру жұмыстарын ұйымдастыру бойынша әдістемелік ұсынымдар» тақырыбында балабақша әдіскерлеріне әдістемелік көмек көрсетілді.

«ОТЫРАР» ЖАЗҒЫ САУЫҚТЫРУ ЛАГЕРІ ЖАҢА МАУСЫМЫН БАСТАДЫ

Балалардың жазғы демалысын тиімді ұйымдастыру, олардың денсаулығын нығайтып, бос уақытын мазмұнды өткізу мақсатында жұмыс істейтін «Отырар» жазғы балаларды сауықтыру лагерінің жаңа маусымының ашылу салтанаты өтті.

Салтанатты шараға аудан әкімі Қайрат Жолдыбайұлы, "AMANAT" партиясы Отырар аудандық филиалының және аудандық мәслихаттың төрағасы Уалихан Жамалханұлы Ұзақов қатысып, балалар мен лагерь ұжымын жаңа маусымның басталуымен құттықтады.

Қонақтар өз сөздерінде жас ұрпақтың сапалы білім мен саналы тәрбие алуында жазғы сауықтыру лагерлерінің маңызы зор екенін атап өтіп, балаларға көтеріңкі көңіл-күй, жарқын әсерлер мен қызықты демалыс тіледі. Сондай-ақ лагерьдің балалардың шығармашылық қабілеттерін дамытуға, достық қарым-қатынас орнатуына және тұлғалық қалыптасуына қосатын үлесіне тоқталды.

Мерекелік іс-шара барысында балалардың қатысуымен концерттік бағдарлама ұйымдастырылып, әндер шырқалып, би қойылымдары ұсынылды. Өнерлі өрендердің әсерлі өнер көрсетілімдері көпшіліктің ыстық ықыласына бөленіп, мерекелік көңіл-күй сыйлады.

Осылайша, «Отырар» жазғы балаларды сауықтыру лагерінің жаңа маусымының ашылуы жоғары деңгейде өтіп, балалардың жазғы демалыс кезеңіне жарқын бастама жасалды. Аталған жоба балалардың денсаулығын нығайтып қана қоймай, олардың жан-жақты дамуына, жаңа достар тауып, пайдалы демалыс өткізуіне мүмкіндік береді.

“БАҚЫТТЫ БАЛАЛЫҚ ШАҚ” БАЛАЛАР МЕРЕКЕСІ АТАЛЫП ӨТТІ

Отырар ауданында 1 маусым – Халықаралық балаларды қорғау күніне орай «Бақытты балалық шақ» атты мерекелік іс-шара өтті. Аудан орталығында ұйымдастырылған думанды шараға бүлдіршіндер, ата-аналар және зиялы қауым өкілдері қатысты.

Мерекелік жиынның ашылуында Отырар ауданының әкімі Қайрат Жолдыбайұлы сөз сөйлеп, барша балаларды айтулы күнмен құттықтады. Аудан басшысы өз сөзінде балалардың ел болашағы екенін, олардың сапалы білім алып, жан-жақты дамуы үшін мемлекет тарапынан барлық жағдай жасалып жатқанын жеткізді.

Сонымен қатар жас ұрпаққа жарқын болашақ, зор денсаулық пен толағай табыс тіледі. Мерекелік шараға аудандық мәслихат төрағасы Уәлихан Жамалханұлы да арнайы қатысып, бүлдіршіндерге өзінің ақжарма тілегін арнады.

Іс-шара барысында білім беру ұйымдарынан жиналған оқушылар мен өнерлі жастар ән мен биден шашу шашып, көрермендерге көтеріңкі көңіл-күй сыйлады. Балалардың қатысуымен өткен түрлі түстер шеруі мерекенің ажарын аша түссе, көпшілік назарына ұсынылған әсерлі флешмоб ерекше ықыласқа бөленді. Мерекелік бағдарлама барысында кішкентай өнерпаздар би билеп, ән айтып, өлең оқып, көпшіліктің ыстық ықыласына бөленді. Алаңға жиналған тұрғындар балалардың өнеріне зор қолдау білдірді.

Балалардың шат күлкісі мен қуанышына толы мереке аудан тұрғындары үшін ерекше әсер қалдырды. Жас ұрпаққа арналған бұл іс-шара балаларға деген қамқорлық пен қолдаудың айқын көрінісі болып, қатысушылар көтеріңкі көңіл-күймен тарқасты.

БАЛАНЫҢ КҮЛКІСІ – БЕЙБІТШІЛІКТІҢ БЕЛГІСІ

Иә, аудандық білім бөлімінің ұйымдастыруымен 1 маусым – Халықаралық балаларды қорғау күніне орай Қ.Мұңайтпасов атындағы жабық спорт залында мерекелік іс-шара өтті. Мерекелік жиынға аудан әкімі Қайрат Жолдыбайұлы, аудандық мәслихат төрағасы Уәлихан Ұзақов және «Заречное» АҚ директорының орынбасары Асхат Болатұлы қатысып, бүлдіршіндердің өнерін тамашалады.

Іс-шара барысында балалар ән айтып, би билеп, өз таланттарын көрсетті. Мереке соңында «Заречное» АҚ-ның демеушілігімен дайындалған сыйлықтар табысталып, бүлдіршіндерге ерекше қуаныш сыйлады.

Балалардың шат күлкісі мен жарқын жүздері мерекенің көркін кіргізіп, бейбіт өмірдің басты белгісі – бақытты балалық шақ екенін тағы бір мәрте дәлелдеді.

ОТЫРАР АУДАНЫНДА 11-СЫНЫПТЫҢ 848 ЖАС ТҮЛЕГІ МЕКТЕППЕН ҚОШТАСТЫ

Бүгін Отырар ауданындағы барлық білім беру ұйымдарында 2025–2026 оқу жылы аяқталып, «Мектебім, саған мың алғыс!» атты салтанатты іс-шаралар ұйымдастырылды.

М.Әуезов атындағы жалпы білім беретін мектебінде өткен мерекелік іс-шараға аудан әкімі Қайрат Жолдыбай, білім саласының ардагерлері, ұстаздар, ата-аналар және оқушылар қатысып, мектеп бітіруші түлектерге ізгі тілектерін жеткізді.

Биыл аудан бойынша 848 оқушы мектеп бітіруші атанса, олардың қатарында «Алтын белгіге» үміткер 78, үздік аттестатқа үміткер 69 түлек бар. Салтанатты жиында мектеп табалдырығын алғаш аттаған күннен бастап білім нәрімен сусындап, үлкен өмірге қадам басқалы тұрған түлектерге ерекше құрмет көрсетілді. Алғашқы ұстаздары мен сынып жетекшілері ортаға шақырылып, мектеп қабырғасындағы жарқын сәттер еске алынды.

Мемлекеттік Ту енгізіліп, Қазақстан Республикасының Мемлекеттік Әнұраны орындалғаннан кейін мектеп директоры А.Сыздықәлі оқу жылының қорытындысы бойынша баяндама жасады.

Жиында аудан әкімі Қайрат Жолдыбай сөз сөйлеп, түлектерді мектеп бітіруімен құттықтап, ел игілігі жолында қызмет ететін білімді де білікті азамат болуға шақырды. Сонымен қатар оқу мен қоғамдық жұмыстарда үздік нәтиже көрсеткен бірқатар ұстаздарға марапаттар табысталды.

Мерекелік жиын барысында түлектер ұстаздары мен ата-аналарына алғыстарын білдіріп, ән шырқап, мектеп вальсін биледі. Сондай-ақ «Білім – ұрпақтан ұрпаққа жалғасатын шежіре» атты дәстүрлі рәсімде білім шежіресі кітабы кейінгі буын өкілдеріне табысталды.

Іс-шараның ең әсерлі сәттерінің бірі – мектеп туын 10-сынып оқушыларына тапсыру рәсімі мен соңғы қоңыраудың соғылуы болды. Бұл мектеп бітіруші түлектер үшін балалық шақпен қоштасып, жаңа өмірге нық қадам басудың символына айналды.

Салтанатты жиын соңында түлектер ұстаздарымен, сыныптастарымен және туған мектебімен қимай қоштасып, жарқын болашаққа сеніммен жол тартты.

2 ішінен 13 беті

Пайдалы ресурстар